薄扶林是香港公共水務歷史的一個起點，大家對它所藏的水務古蹟又知道多少？非常感謝香港科學館前總館長、水務署水知園前顧問葉賜權先生為好好過設計了這個尋找香港最古老水道的行程，還把尋寶圖賜予我們：就是他對古水道研究的歷史資料。大家聽着生態導賞員的解說，絶對可以解開古水道所藏的達文西密碼！

吓，又問「點解香港叫香港」……等等先…
到底係咪真係有呀群帶路？
香港仔係little Hong Kong 定係鴨巴甸?
香港係香嘅港?香嘅水?定係香嘅木?
不如我哋從地圖和古籍，再睇睇香港之名係自古以來，定係一個千絲萬縷嘅傳說。

我哋會先由黃竹坑開始講故事，再去香港圍（順度了解一下消失了的巴黎農場，由香港到巴黎，唔使幾分鐘）然後搵下古代石刻，計計香港有幾古，最後到little Hong Kong壽臣山舊英軍軍火庫，睇吓有冇多啲蛛絲馬跡。

1898年，當界限街以南「永久租借」給英國而成為「新九龍」之後，有三個地區，參考了都市規劃師侯偉德爵士（Sir Ebenezer Howard）「花園城市」（Garden City）的概念，先後規劃了三個為葡、英、華族群而設的花園城市式社區。隨着年月及都市發展，為葡人及華人而設的花園城市社區已了無痕跡，只有英式的社區仍帶着點點英倫風存在，但也正自一點點的被抹走…….

除了探索花園城市何以三個只能活一個， 也會探究界限街的界是如何釐定。

所有山川水色都靚，但香港人對香港嘅愛，郤造就了"香港真係好靚＂呢句說話，尤其是就失去或已失去的風景。
葵涌係一個極速改變地貎嘅地區之一，都未及話佢好靚，就已變成石屎森林。
就等年輕嘅「原居民」Emilie同大家講述一個這麼遠、那麼近的葵涌故事，並走訪曾是香港第三大牧場的遺跡和它的逸事。

17至18世紀，真正的海上王者，並不是Captain Jack Sparrow ，而是華南海盜。其中一代梟雄張保仔，更是叱咤風雲，所向披靡。香港有不少海盜的足跡，”海盜二三事”帶大家由新界走到九龍，尋找昔日海盜的故事。

先和大家乘車前往東涌炮台和小炮台，了解清廷和海盜激戰的歷史，順道觀賞表達19世紀初石工和漁民互助精神的石天后廟。